阿信屋老闆：好似玩魔術

【本報訊】「肉眼完全睇唔到點偷，好似玩魔術咁！」759阿信屋老闆林偉駿（圖）形容找錢黨手法快如閃電，事後要以8倍超慢鏡始看出破綻。他表示多日來已有幾間分店中招，相信是同一班騙徒所為。

超慢鏡始看出破綻

林指打開門做生意，類似案件防不勝防，他已將騙徒相片，透過內部通訊知會前線員工留意，「唔通唔收大紙咩，如果咁樣肯定趕客，損失仲大」。上周四牛池灣坪石邨759阿信屋遇竊，店員到關門埋數才發現少了700多元，以8倍超慢鏡翻看閉路電視，才看出偷走鈔票的經過。
原來騙徒以500元付款，當店員打開收銀機時，他改口有零錢，要求給回500元，當收銀機印出賬單時，他把賬單及500元交到店員手中，趁機取走鈔票，店員沒發現並找贖400多元給他，最離奇是整日失款700多元，林偉駿懷疑賊人光顧兩次，另一次毫無痕迹可尋，「都唔怪得伙記，畀我可能塞多兩百蚊畀佢」。
批發及零售界立法會議員邵家輝指，暫時未接獲業界投訴，提醒前線員工找續時要提高警覺。